QHL: «Barys» kezekti matchy keıinge qaldyryldy
NUR-SULTAN. QazAqparat – Qurlyqtyq hokkeı lıgasynda (QHL) «Barystyń» «Vıtıaz» komandasymen kezekti oıyny ótpeıtin boldy, dep habarlaıdy QazAqparat tilshisi.
Machttyń toqtatylýyna «Vıtıaz» komandasynyń 4 sportshysynan PTR test nátıjesi boıynsha koronavırýs anyqtalýy sebep bolǵan. Vırýstyń taralýyn boldyrmas úshin 13 qańtarǵa belgilengen oıyn ótpeıtin boldy. Qashan ótetini keıin habarlanady.
Aıta ketsek, elordalyqtar 48 upaımen Shyǵys konferentsııasynda burynǵysynsha segizinshi orynda keledi.
«Vıtıaz» 43 upaımen Batys tobynda 10-satyda tur. Atalmysh klýb qatarynan tórt oıynda jeńilis tapty. Sońǵy básekede «Severstalǵa» overtaımda 2:3 esebimen ese jiberdi.
ıÝrıı Mıhaılıstiń shákirtteri jańa jylda úsh ret qatarynan jeńiske qol jetkizdi. Sonyń ishinde kósh bastaýshy komandalardyń biri – «Metallýrg» (Magnıtogorsk) klýbyn eki márte utty.
Elorda ýaqytymen saǵat 22.30-da bastalatyn «Vıtıaz» - «Barys» matchyn «Qazsport» telearnasynan tikeleı efırde qaraýǵa bolady.
Eske sala keteıik, budan buryn «Barystyń» «Torpedomen» oıyny keıinge qalǵanyn jazǵan bolatynbyz.
