QHL: «Barys» qatarynan jetinshi ret jeńiske jetti
ASTANA. QazAqparat - Elordalyq «Barys» kezekti oıynyn óz aıdynynda ótkizdi. Qurlyqtyq hokkeı lıgasyndaǵy 21 kezdesýinde elordalyq komanda Reseıdiń Vladıvostok qalasynyń «Admıral» klýbyn qabyldady, dep habarlaıdy QazAqparat tilshisi.
«Admıral» 2013 jyly qurylǵan. Sodan beri qurlyqtyq hokkeı lıgasynda synǵa túsip keledi. Ázirge joǵary tabystarǵa qol jetkize qoıǵan joq. Bıyl da sondaı súreńsiz oıynymen kózge túsip otyr. Qazir olar 23 kezdeýden keıin nebári 13 upaıdy qorjynǵa salyp, jalpy týrnır kestesinde 25 komanda arasynda 23 orynda keledi. Al «Barystyń» jaǵdaıy jaman emes. Týrnır kestesinde 20 oıynnan keıin 9 orynda keledi. Aıta ketelik, elordalyq klýb sońǵy alty oıynnyń beseýinde jeńiske jetip, óz jankúıerlerin jelpintip júr.
Búgingi kezdesý «Barys» úshin sátti bastaldy. Alǵashy mınýttan aıdyn ıeleri basymdyq tanytty. «Admıral» sapynan hokkeıshiler dórekelik kórsetti. Osynyń saldarynan olardyń qatarynan eki oıynshy aıdynnan qýyldy. Atap aıtqanda, Aleksandr Mereskın men Aleksandr Ýgolnıkov birinen keıin biri dóreki qımylymen kózge túsip, aıdynnan qýyldy. Degenmen «Admıraldyń» úsh hokkeıshisine beseýi qarsy oınaǵanymen «Barys» odan nátıje shyǵara qoıǵan joq. Esesine Brendon Bochenskı shamalydank keıin «Admıral» qaqpashysymen betpe-bet shyqty. Bul múmkindikti «Barys» kapıtany múlt jibergen joq. Esep 1:0. Elordalyq klýb osylaısha ózderiniń jaǵdaıyn jaqsarta tústi.
Ekinshi kezeńde eki komanda da bir-biriniń qaqpasynan eshqandaı sańylaý taba alǵan joq. Ásirese, «Barystyń» gol soǵatyn múmkindigi kóbirek bolǵan edi. Alaıda olardyń eshqaısysy óz nátıjesin bermedi.
Úshinshi kezeńde Brendon Bochenskı taǵy da mergendik tanytty. Ol 42-mınýtta qarsylastar qaqpasyna gol soqty. Bul oıynda 2:0 esebimen «Barys» jeńiske jetti. Aıta ketelik, bul - elordalyq klýbtyń qatarynan altynshy jeńisi. Taǵy bir aıta keterligi, sońǵy 12 kezdesýde «Barys» nebári eki márte jeńilip, qalǵanynyń barlyǵynda qarsylastarynan basym tústi.
Budan buryn «Barys» óz aıdynynda Mınskiniń «Dınamo» komandasyn 3:1, Podolskiniń «Vıtıazin» 3:1, Novosibirdiń «Sıbır» klýbyn 5:2 esebimen jeńdi.
«Barys» endi óz aıdynynda taǵy bir oıyn ótkizip, 1 qarashada Chelıabınskiniń «Traktoryn» qabyldaıdy. Odan keıingi úsh kezdesýi syrt aıdynda bolady. Atap aıtqanda, 3 qarashada Mınskiniń «Dınamo» (Belarýs), 5 qarashada Bratıslavanyń «Slovan» (Slovakııa), 12 qarashada Novosibirdiń «Sıbır» klýbtarymen kezdesedi.
