QHL: «Barys» qatarynan ekinshi ret jeńiske jetti
NUR-SULTAN. QazAqparat - «Barys» qurlyqtyq hokkeı lıgasynda búgin elordada Latvııanyń «Dınamo» (Rıga) komandasyn qabyldady, dep habarlaıdy QazAqparat tilshisi.
Búgingi oıynda elordalyq klýb jınaqy qımyl kórsetti. Qarsylas komandanyń tizgindi qolǵa alýyna múmkindik bergen joq.
Alǵashqy shaıbany «Barys» hokkeıshisi Lınýs Vıddel 18 mınýtta soǵyp ketti. Ol Dmıtrıı Shevchenko men Roman Starchenkonyń uıymdastyrǵan shabýylyn túıindeı bildi. Al 21-mınýtta elordalyq hokkeıshi Kertıs Valk esepti ústemeleı tústi. Oıynnyń 24-mınýtynda Mett Frettın «Barystyń» basymdyǵyn ulǵaıtty.
Kezdesýde «Barys» qarsylasyn 3:0 esebimen súrindirdi. Osylaısha qatarynan eki márte jeńiske jetti.
Endi «Barys» 8 qarashada Reseıde Cherepovets qalasynyń «Severstal» komandasymen kezdesedi. Odan keıin 10 qarashada sol eldiń ıAroslavl qalasynda «Lokomotıv» komandasymen sheberlik baıqasady.
Elordalyq klýb sońǵy bes kezdesýdiń tórteýinde jeńiliske ushyrap, sońǵy oıynda Qytaıdyń «Kýnlýn Red Star» klýbynan basym túsken bolatyn.