QHL: «Barys» hokkeıshileri syrt aıdyndaǵy kezdesýinde ese jiberip aldy
ASTANA. 10 qańtar. QazAqparat - Qurlyqtyq hokkeı lıgasy aıasynda keshe keshqurym ótken syrt aıdyndaǵy sońǵy oıynynda «Barys» hokkeıshileri utylyp qaldy.
Atap aıtqanda, Ombyda ótken kezdesýin astanalyq «Barys» komandasy «Avangard» hokkeıshilerinen 4:2 esebimen jeńildi.
Bul kezdesýdiń birinshi kezeńinde qos komandanyń áreketteri teń túsip, hokkeıshiler esep ashý múmkindigin iske asyra almady. Al qalǵan eki kezeńde aıdyn ıeleriniń oqtyn-oqtyn shabýyldary nátıje berip, osy tartysty dodada basym tústi.
Týrnırlik kestege toqtalatyn bolsaq, búginde QHL-dyń Shyǵys konferentsııasynda 62 upaı jınaǵan «Barys» 7 orynda, al «Avangard» 63 upaımen 5 orynda turaqtady.
Aıta keteıik, astanalyq komanda kelesi oıynyn 12 jeltoqsanda óz aıdynynda «Sibir» komandasymen ótkizetin bolady.
