QHL: «Barys» Fınlıandııada «Iokerıtti» iri eseppen jeńdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Fınlıandııanyń «Iokerıt» komandasymen oınady, dep habarlaıdy QazAqparat tilshisi.
«Barys» endi qatarynan tórt oıyndy syrt aıdynda ótkizedi. Búgingi kezdesý - sonyń alǵashqysy.
Qos komanda týrnır kestesinde qatarlas keledi. Olardyń enshisinde 65 upaıdan bar. Kezdesýde jeńiske jetken komanda jaǵdaıyn jaqsarta túsetin. Eki klýb bıyl bir márte kezdesip úlgerdi. Elordada ótken oıynda «Iokerıt» 4:2 eebimen jeńip ketti.
Oıyndy elordalyq hokkeıshiler sátti bastady. Kezdesýdiń 3-mınýtynda Darren Dıts aıdyn ıeleri qaqpasynan sańylaý tapty. Al 19-mınýtta Esse Ioeensý tarazy basyn teńestirdi. Ekinshi kezeń de tartysty ótkenimen nebári bir ǵana shaıba soǵyldy. Ony 25-mınýtta «Barys» hokkeıshisi Nıkıta Mıhaılıs sheber oryndaı bildi. Kezdesýdiń 55-mınýtynda elordalyq Arkadıı Shestakov esepti ulǵaıta tússe, 58-mınýtta Lınýs Vıddel taǵy bir goldyń avtory atandy. Al oıynnyń bitýine nebári bes sekýnd qalǵanda Dastın Boıd qorytyndy esepti belgiledi. Osylaısha «Barys» qarsylasynan 5:1 esebimen basym tústi. Elordalyq klýb qatarynan tórtinshi márte jeńiske jetip otyr. Búgingi jeńisten keıin «Barys» komandasy «Iokerıtti» artqa tastap, jalpy týrnır kestesinde altynshy orynǵa kóterildi.
Budan buryn «Barys» alty oıynnyń beseýinde qarsylastaryn qapy qaldyrǵan bolatyn. Olar 16 qańtarda elordada Reseıdiń «Metallýrg» (Magnıtogorsk) komandasynan basym túsken edi.
Endi «Barys» qatarynan úsh oıyndy syrt aıdynda ótkizedi. Aldymen 23 qańtarda Reseıdiń SKA (Sankt-Peterbýrg) komandasymen kezdesse, 25 qańtarda «Salavat ıÝlaev» (Ýfa), 27 qańtarda «Avtomobılıst» (Ekaterınbýrg) komandalarymen sheberlik baıqasady.
