QHL: «Barys» elordada «Avtomobılıst» komandasyn qabyldaıdy
NUR-SULTAN. QazAqparat – Qurlyqtyq hokkeı lıgasynyń kezekti týrynda «Barys» óz aıdynynda «Avtomobılıst» (Ekaterınbýrg) komandasyn qabyldaıdy, dep habarlaıdy QazAqparat tilshisi.
Bul match qos komanda úshin de asa mańyzdy. Óıtkeni Shyǵys konferentsııasynda «Barys» 40 upaımen segizinshi, odan bir ǵana upaıy kem «Avtomobılıst» toǵyzynshy orynda keledi.
Pleı-ofqa alǵashqy segiz komanda shyǵatynyn eskersek, upaı qorjynyn tolyqtyrý qajet-aq.
Nıkolaı Zavarýhın jattyqtyratyn «Avtomobılıst» ótken týrda Ýfada «Salavat ıÝlaevtan» 2:4 esebimen jeńilis tapty. Elordalyq klýb ta senbi kúni dál osyndaı eseppen Chelıabide «Traktorǵa» ese jiberdi.
«Barystyń» surmergenderi Nıkıta Mıhaılıs pen Kertıs Volk tórt kezdesý boıy gol soǵa almaı keledi. Taǵy bir shabýylshy Arkadıı Shestakov jaraqatynan aıyǵý ústinde. Qazanda «Ak Bars» komandasymen oıynda jaraqat alǵan Kodı Kýnıktiń de aıdynǵa shyǵar-shyqpasy belgisiz.
Qos komandanyń bıylǵy maýsymdaǵy eki kezdesýi qazaqstandyq ujymnyń paıdasyna sheshildi (5:4, 2:0).
Elorda ýaqytymen saǵat 19.30-da bastalatyn matchty «Qazsport» jáne «KHL» telearnalarynan tikeleı efırde kórýge bolady
Eske sala keteıik, budan buryn «Barystyń» «Traktor» komandasynan utylǵanyn jazǵan bolatynbyz.
