QHL: «Barys» elordada «Avangardtan» jeńilip qaldy
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Avangard» komandasyn qabyldady, dep habarlaıdy QazAqparat tilshisi.
Eki komanda týrnır kestesinde qatar keledi. Jalpy týrnır kestesinde «Avangard» altynshy, «Barys» jetinshi orynda turǵan bolatyn. Sondaı-aq, bıyl elordalyq klýb olardy eki márte tize búktirip úlgerdi. Sondyqtan «Avangard» ese qaıtarýǵa bar kúshin salatyny belgili edi.
Rasynda da, oıyn barysynda reseılik klýbtyń shabýylǵa shyǵýy jıi baıqaldy. Nátıjesinde 1-mınýtta reseılik Pavel Dedýnov óz komandasyn alǵa shyǵardy. Budan keıin elordalyq hokkeıshiler tarazy basyn teńestirýge umtylǵan. Degenmen esep úshinshi kezeńge deıin ózgergen joq. Oıynnyń 54-mınýtynda «Avangard» hokkeıshisi Vıacheslav Voınov esepti ústemeleı tústi. Al 59-mınýtta reseılik klýb sapynan Rob Klınkhammer qorytyndy esepti belgiledi. Kezdesýde «Barys» 0:3 esebimen jeńilip qaldy.
«Barys» endi elordada 12 qańtarda Reseıdiń «Lokomotıv» (ıAroslavl), 14 qańtarda «Salavat ıÝlaev» (Ýfa), 16 qańtarda «Metallýrg» (Magnıtogorsk) komandalaryn qabyldaıdy.
Budan buryn «Barys» «Neftehımıkti» oısyrata jeńgen bolatyn .
