QHL: «Barys» TsSKA komandasyna ese jiberdi
NUR-SULTAN. QazAqparat - Elordalyq «Barys» búgin qurlyqtyq hokkeı lıgasyndaǵy kezekti oıynyn Reseıde Máskkeýdiń TsSKA komandasyna qarsy ótkizdi, dep habarlaıdy QazAqparat tilshisi.
Búgingi kezdesý tartysty ótti. Oıynnyń birinshi kezeńinde armııashylar aldymen esep ashty. Ony 7-mınýtta Maksım Mamın óziniń enshisine jazdy. Al 10-mınýtta onyń áriptesi Andreı Svetlakov esepti ústemeleı tústi. Oıynnyń 16-mınýtynda «Barys» hokkeıshisi Nıkıta Mıhaılıs mergendik tanytty.
Ekinshi kezeńde aıdyn ıeleri basymdyq tanytty. Nátıjesinde oıynyń 36-mınýtynda Anton Slepyshev esepti ulǵaıta tústi.
Kezdesýde «Barys» qarsylasyna 1:3 esebimen ese jiberdi.
Aıta keteıik, lıganyń jańa maýsymynda «Barys» eki oıyn ótkizip úlgerdi. Aldymen Latvııada «Dınamo» (Rıga) klýbyn 3:2 esebimen tize búktirdi. Odan keıin Belarýste «Dınamo» (Mınsk) komandasyna overtaımda 4:5 esebimen ese jiberdi.
Elordalyq klýb odan keıin óz aıdynynda qatarynan tórt oıyn ótkizedi. Aldymen 10 qyrkúıekte Qytaıdyń Qytaıdyń «Kýnlýn Red Star» komandasyn qabyldaıdy. Odan keıin 12 qyrkúıekte Reseıdiń «Dınamo» (Máskeý), 14 qyrkúıekte TsSKA (Máskeý), 18 qyrkúıekte Latvııanyń «Dınamo» (Rıga) klýbtarymen oınaıdy.
