QHL: «Barys» býllıt serııasynda «Avtomobılıst» komandasyn jeńdi
NUR-SULTAN. QazAqparat – Qurlyqtyq hokkeı lıgasynyń kezekti týrynda «Barys» elordada «Avtomobılıst» (Ekaterınbýrg) komandasymen aıdynǵa shyqty, dep habarlaıdy QazAqparat tilshisi.
Shyǵys konferentsııada «Barys» pen «Avtomobılıst» sáıkesinshe segizinshi, toǵyzynda orynda edi. Sondyqtan úzdik segizdikke iligý úshin bul matchtyń mańyzy zor bolatyn.
«Barystyń» mergen shabýylshylary Nıkıta Mıhaılıs pen Kertıs Volk osyǵan deıin tórt oıyn boıy gol soǵa almasa, bul joly qanjyǵalary maılandy. 4-mınýtta N.Mıhaılıs Kertıs Volk pen Egor Shalapovtyń pasynan keıin esep ashty. Kóp uzamaı aıdynnan qýylǵan Dmıtrıı Gýrkovtyń shyǵýyna bir sekýnd qalǵanda, qonaqtardan Stefan Da Kosta san basymdylyǵyn paıdalanyp ketti – 1:1. Degenmen ıAkob Lılıa men N.Mıhaılıs uıymdastyrǵan ádemi shabýyldan soń K.Volk esepti 2:1-ge jetkizdi.
Ekinshi kezeńde aıdyn ıeleri úsh márte san basymdylyǵyn paıdalana almady. Kerisinshe sondaı sátte Anatolıı Golyshev tarazy basyn teńestirip ketti – 2:2.
Úshinshi kezeńde de, overtaımda da osy esep ózgermegennen keıin kezdesý taǵdyry býllıt serııasynda sheshildi. Munda ıAkob Lılıa men Lınden Veı qaqpany dál kózdedi.
Match barysynda elordalyqtardyń qaqpashysy Ionı Ortıo kóptegen soqqyny qaıtara aldy.
Osylaısha «Barys» mańyzdy eki upaıǵa ıe bolyp, segizinshi oryndy saqtap qaldy.
ıÝrıı Mıhaılıstiń shákirtteri bıylǵy jyldyń eń sońǵy oıynyn 29 jeltoqsan kúni elordada Shyǵys konferentsııasynda úshinshi orynda kele jatqan «Salavat ıÝlaev» (Ýfa) komandasymen ótkizedi.
Eske sala keteıik, budan buryn «Barystyń» «Traktor» komandasynan utylǵanyn, elordada «Avtomobılısti» qabyldaıtynyn jazǵan bolatynbyz.
