QHL: «Barys» búgin pleı-off satysyndaǵy alǵashqy oıynyn ótkizedi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysynda búgin reseılik «Metallýrg» (Magnıtogorsk) komandasymen alǵashqy kezdesýin ótkizedi, dep habarlaıdy QazAqparat tilshisi.
Atalǵan oıyn Nıjnekamsk qalasyndaǵy «Metallýrg» arenasynda bolady. Bastalýy - elorda ýaqytymen 20:00. Kezdesý «Qazsport» telearnasynan tikeleı efırde kórsetiledi.
Alǵashqy eki oıyn 1 jáne 3 naýryz kúnderi Magnıtogorsk qalasynda ótedi.
Odan keıingi eki kezdesý 5 jáne 7 naýryzda elordada bolady. Alǵashqy tórt matchta jeńimpaz anyqtalmaǵan jaǵdaıda, odan keıingi oıyndar 9 naýryzda Magnıtogorskide, 11 naýryzda Nur-Sultanda, 13 naýryzda Magnıtogorskide ótedi.
Aıta ketsek, «Barys» shyǵys konferentsııasynda segizinshi orynǵa turaqtasa, «Metallýrg» ekinshi orynǵa taban tiredi.
Eki komanda buǵan deıin 57 márte kezdesken. Olardyń 35-de «Metallýrg» basym tússe, 22-de «Barys» jeńiske jetti.
Eske salsaq, budan buryn elordalyq klýb Reseıdiń «Spartak» jáne «Dınamo» komandalarymen joldastyq kezdesý ótkizdi.
