QHL: «Barys» bıyl joǵary jetistikke jete ala ma
ASTANA. QazAqparat - Búgin elordalyq «Barys» qurlyqtyq hokkeı lıgasyndaǵy pleı-off kezeńin bastaıdy. Astanalyq klýb Reseıdiń Nıjnıı Novgorod qalasynyń «Torpedo» komandasymen shyǵys konferentsııasynda shırek fınalǵa beriletin joldamany sarapqa salady, dep habarlaıdy QazAqparat tilshisi.
«Barys» qurlyqtyq hokkeı lıgasynda 2008/2009 jylǵy kezeńnen bastap synǵa túsip keledi. Bizdiń komanda 2015/2016, 2017/2018 jylǵy kezeńderde shyǵys konferentsııasynda 1/8 fınaldyq satysyna shyǵa alǵan joq.
2008/2009 jylǵy kezeńde pleı-off kezeńinde 1/4 fınaldyq satysynda Reseıdiń «Aq Barys» (Qazan) komandasymen kezdesti. Astanalyq klýb qatarynan úsh kezdesýde de qarsylasyna ese jiberdi. Nátıjesinde jarystyń kelesi kezeńine qazandyq jigitter joldama aldy. Keler jylǵy pleı-off satysynda bizdiń hokkeıshiler taǵy da «Aq Barystan» aınalyp óte alǵan joq. Úsh kezdesý de sátsiz aıaqtaldy. «Aq Barys» bizdiń komandaǵa úshinshi jyl qatarynan taǵy da jolyqty. «Barys» bul joly tórtinshi kezdesýde de ese jiberdi.
Al 2011/2012 jylǵy kezeńde astanalyq klýb jarystyń 1/8 fınalynan shyǵýyna sál sáttilik jetispeı qaldy. Olar Reseıdiń «Metallýrg» (Magnıtogorsk) komandasymen jup qurady. Jeńimpaz jetinshi kezdesýde áreń anyqtaldy. Degenmen sońǵy oıynda qarsylasymyz jeńiske jetti. 2012/2013 jylǵy kezeńde de dál osyndaı jaǵdaı qaıtalandy. «Barys» shyǵys konferentsııasynda pleı-off kezeńiniń shırek fınaldyq satysynan asa alǵan joq. Bul joly Novosibirdiń «Traktoryna» jol berip qoıdy.
2013/2014 jylǵy kezeńde «Barys» óz jankúıerlerin jetistigimen qýantty. Shyǵys konferentsııasynda pleı-off satysynyń ¼ fınalynda Ekaterınbýrgtiń «Avtomobılıst» komandasyn jalpy oıyndar serııasynda 4:0 esebimen tize búktirdi. Al shırek fınalda Ýfanyń «Salavat ıÝlaevynan» 2:4 esebimen jeńilip qaldy.
Al 2014/2015 jylǵy kezeńde pleı-off kezeńinde Ombynyń «Avangardynan» jalpy oıyndar serııasynda 2:4 esebimen súrinip, kelesi jyly pleı-off satysyna shyǵýǵa qol jetkize alǵan joq. Qurlyqtyq hokkeı lıgasynyń turaqty birinshiligindegi jalpy týrnır kestesinde 17 oryn alǵan elordalyq klýb pleı-off kezeńinen tys qalyp qoıdy..
«Barys» 2016/2017 jylǵy kezeńde taǵy da joǵary jetistigimen jankúıerlerdi qýantty. Pleı-off kezeńiniń shyǵys konferentsııasynda olar Novosibirdiń «Traktoryn» jalpy oıyndar serııasynda 4:2 esebimen jeńip ketti. Degenmen shırek fınalda Magnıtogorskiniń «Metallýrginen» tórt kezdesýde de jeńilip qaldy. Osylaısha básekeni jalǵastyra alǵan joq. Al 2017/2018 jylǵy kezeńde «Barys» jarystyń bul satysyna shyǵýdan shet qaldy.
Astanalyq komanda bıyl Nıjnıı Novgordtyń «Torpedo» komandasymen sheberlik baıqasady. Atalmysh qarsylastan aılasyn asyra ala ma? Bul joly oıyndar serııasy eki komandanyń biriniń tórt jeńisine deıin jalǵasady.
Esterińizge sala ketelik, 26 jáne 28 aqpandar kúnderi eki komanda Astanada oınasa, 2 jáne 4 naýryzda ol Nıjnıı Novgorodta jalǵasady. Al oıyn 6 naýryzda Astanada, odan keıin 8 naýryzda Nıjnıı Novgorodta bolady. Alty kezdesýde jeńimpaz anyqtalmaǵan jaǵdaıda sońǵy sheshýshi oıyn elorda tórinde ótkiziledi.
Búgingi kezdesý Astana ýaqytymen 19.30-da bastalady. Oıyn «Qazsport» telearnasynan tikeleı efırde kórsetiledi.
