QHL: «Barys» «Avangard» komandasyn jeńdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Avangard» (Omby) komandasymen kezdesti, dep habarlaıdy QazAqparat tilshisi.
Eki komanda týrnır kestesinde qatarlas keledi. Jalpy kestede «Avangard» tórtinshi, «Barys» jetinshi orynda tur. Sondaı-aq, 2019 jyldyń 9 jeltoqsanynda Ombyda ótken kezdesýde elordalyq klýb 3:2 esebimen jeńip ketken bolatyn. Sondyqtan «Avangard» ese qaıtarýǵa kúsh salatyny anyq edi. Oǵan qosa olar sońǵy alty kezdesýde nebári bir márte ǵana qarsylastar yǵyna jyǵyldy.
Dese de búgingi kezdesýde esepti alǵash bolyp «Barys» komandasy ashty. Oıynnyń 3-mınýtynda elordalyq Egor Petýhov mergendik tanytsa, oǵan 13-mınýtta «Avangard» hokkeıshisi Rob Klınkhammer bir golmen jaýap qaıyrdy. Taǵy eki shaıba ekinshi kezeńde soǵyldy. Oıynnyń 28-mınýtynda «Barys» sapynan Nıkıta Mıhaılıs aıdyn ıelerin qapy qaldyrsa, 31-mınýtta ombylyq hokkeıshi Brendon Makmıllan tarazy basyn teńestirdi. Al 59-mınýta Nıkıta Mıhaılıs taǵy da mergendik tanytty. Osylaısha «Barys» qarsylasynan 3:2 esebimen basym tústi. Elordalyq klýb jeńiske jetkenimen týrnır kestesinde jetinshi orynnan joǵary kóterilgen joq.
Budan buryn «Barys» bıylǵy alǵashqy kezdesýinde jeńilip qaldy.
«Barys» endi 8 qańtarda Nıjnekamskide jergilikti «Neftehımkpen» kezdesedi. Odan keıin elordada 11 qańtarda búgingi qarsylasy - «Avangardpen» taǵy bir márte sheberlik baıqassa, 12 qańtarda Reseıdiń «Lokomotıv» (ıAroslavl), 14 qańtarda «Salavat ıÝlaev» (Ýfa)ǵ 16 qańtarda «Metallýrg» (Magnıtogorsk) komandalaryn qabyldaıdy.
