QHL: «Barys» - «Avangard» kezdesýin qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynynda Reseıdiń «Avangard» komandasyn qabyldaıdy, dep habarlaıdy QazAqparat tilshisi.
Eki komanda da pleı-off satysyna joldama taǵdyryn sheship qoıdy. Soǵan qaramastan oıyn tartysty ótedi deýge negiz bar. Komandalar týrnır kestesinde qatarlas keledi. Sondaı-aq, Shyǵys konferentsııasynda bir-birimen óksheles tur. Sondyqtan búgingi kezdesý qaı komandanyń joǵary orynǵa ıe bolatynyn sheshedi. Dese de, «Avangard» klýby «Barystan» alty upaı alda. Pleı-off kezeńine deıin segiz týr bar ekenin eskersek, áli de tartys qyza túsedi deýge bolady.
Eki komanda búginge deıin 54 márte muz aıdynyna shyqty. Onyń 18-i «Barystyń» jeńisimen aıaqtalsa, qalǵanynda «Avangardtyń» mereıi ústem boldy. Bıyl ekeýi úsh márte kezdesip, ekeýinde elordalyq klýb jeńdi. Al 2020 jyldyń 11 qańtarynda elordada ótken básekede «Avangard» 0:3 esebimen basym tústi. Sol ketken eseni qaıtara alamyz ba?
Aıta keterligi, sońǵy oıynda «Avangard» Sankt-Peterbýrg qalasynyń SKA klýbynan overtaımda 0:1 esebimen jeńilip qaldy. Al «Barys» elordada Reseıdiń «Neftehımık» klýbynan 2:1 esebimen basym tústi.
«Barys» pen «Avangard» kezdesýi elorda ýaqytymen 17.00-de bastalady. Oıyn QazSport telearnasynan tikeleı efırde kórsetiledi.
