QHL: «Barys» «Amýrdy» jeńdi
NUR-SULTAN. QazAqparat - Qurlyqtyq hokkeı lıgasyndaǵy kezekti oıynynda elordalyq «Barys» komandasy Habarovskiniń «Amýr» klýbymen kezdesti, dep habarlaıdy QazAqparat tilshisi.
Eki komanda bıyl buǵan deıin bir márte kezdesti. Nur-Sultan qalasynda ótken oıynda «Barys» 3:2 esebimen jeńiske jetti. «Barys» qazirge deıin barlyǵy tórt kezdesý ótkizdi. Qazaqstandyq hokkeıshiler eki márte jeńiske jetip, ekeýinde qarsylastaryna ese jiberdi.
Búgingi kezdesýde esepti alǵash bolyp aıdyn ıeleri ashty. «Amýr» sapynan 21-mınýtta Igor Rýdenkov qanjyǵasyn maılady. Degenmen «Barys» hokkeıshileri de qarap qalǵan joq. Nátıjesinde 27-mınýtta elordalyq hokkeıshi Roman Starchenko tarazy basyn teńestirdi. Budan keıin qos komanda tarapynan esepti ózgertetin birneshe múmkindik bolǵan edi.
Úshinshi kezeńde qo komanda da alǵa umtylǵan edi. Elordalyq hokkeıshiler taǵy bir gol saldy. Ony 55-mınýtta Erık Tangedı ózeniń enshisine jazdy. Al 59-mınýtta elordalyq Nıkıta Mıhaılıs «Barystyń» búgingi kezdesýdegi úshinshi golynyń avtory atandy. Osylaısha «Barys» 3:1 esebimen jeńiske jetti.
«Barys» endigi bir oıynyn syrtta ótkizedi. Elordalyq klýb 13 qyrkúıekte Vladıvostkota «Admıralmen» oınaıdy. Odan keıin 17 qyrkúıekte Almaty qalasynda Reseıdiń «Spartak», 20 qyrkúıekte Chelıabiniń «Traktor» komandalaryn qabyldaıdy.
