QHL: «Barys» «Amýrdan» jeńilip qaldy
ASTANA. QazAqparat - Elordalyq «Barys» qurlyqtyq hokkeı lıgasyndaǵy kezekti oıynyn syrt aıdynda Habarovskiniń «Amýr» komandasymen ótkizdi, dep habarlaıdy QazAqparat tilshisi.
Eki komanda bıylǵy básekede budan buryn bir márte kezdesip úlgerdi. Elordada 14 qarashada ótken kezdesýde «Amýr» «Barysty» 6:5 esebimen tize búktirdi. Bizdiń hokkeıshiler sol ketken eseni qaıtara ma degen úmit bolǵan edi. Degenmen oıyn barysy basqasha órbidi.
Atalmysh kezdesýde alǵash bolyp bizdiń jigitter esep ashqan edi. Oıynnyń 3-mınýtynda Kertıs Valk aıdyn ıeleri qaqpasyn dál kózdedi. Degenmen birinshi kezeńniń 14-mınýtynda «Amýr» sapynan Igor Rýdenkov tarazy basyn teńestirip ketti. Ekinshi kezeńde komandalar bir-birine shaıba soǵa alǵan joq. Kezdesý taǵdyry 57-mınýtta sheshildi. «Amýr» hokkeıshisi Tomash Zogorna bizdiń qaqpashyny qapy qaldyryp ketti. Osylaısha atalmysh kezdesý 2:1 esebimen «Amýrdyń» jeńisimen aıaqtaldy. «Barys» budan buryn qatarynan úsh jeńiske jetken edi.
Buǵan deıin «Barys» óz aıdynyndaǵy 1 jeltoqsan kúni Ekaterınbýrgtiń «Avtomobılıstine» 2:7 esebimen ese jiberse, 3 jeltoqsanda Magnıtogorskiniń «Metallýrgin» 3:2 esebimen jeńdi. Odan keıin 6 jeltoqsanda Chelıabiniń «Traktorynan» 3:1 esebimen basym tústi. Al 8 jeltoqsanda syrt aıdynda Vladıvostoktyń «Admıralyn» 3:1 esebimen tize búktirdi.
Endi «Barys» 12 jeltoqsanda Qytaıda «Kýnlýn Red Star» komandalarymen kezdesedi. Al 18 jeltoqsanda eloradada Cherepovetstiń «Severstal» komandasyn qabyldaıdy.
