QHL: «Barys» «Amýr» komandasynan jeńilip qaldy

Bıyl «Barys» táp-táýir oıyn órnegin kórsetip keledi. Sońǵy 17 kezdesýde 14 márte jeńiske jetti. Osynyń nátıjesinde týrnır kestesinde altynshy orynda keledi. Al «Amýr» ala-qula oıynymen jankúıerlerdi qýanta almaı júrgeni belgili. Sońǵy tórt kezdesýdiń barlyǵynda qarsylastar yǵyna jyǵyldy. Sonyń nátıjesinde 25 komandanyń arasynda 23 orynda tur.

Oıyn aldynda «Barys» sapynan Brendon Bochenskı jaraqat alyp qaldy. Komanda kapıtany endi jaraqatynan birer aptada aıyǵady degen joramal aıtylyp otyr. Sol sebepti me, búgingi kezdesý «Barys» úshin sátsiz bastaldy. Alǵashqy shaıbany aıdyn ıeleri soqty. Ony 4-mınýtta Andreı Peterson óziniń enshisine jazdy. Degenmen budan keıin «Amýr» hokkeıshileri bizdiń qaqpaǵa úsh shaıba engizip, «Barysty» biraz eseńgiretin tastady. Atap aıtqanda, Vıacheslav Ýshenın  9, Igor Rýdenkov 13, Aleksandr Gorshkov 14-mınýtta qanjyǵasyn maılady. Budan keıin «Barys» qaqpashy aýystyrýǵa májbúr boldy. Domınık Grahovınanyń ornyna Henrıh Karlson shyqty. «Amýrǵa» 15-mınýtta Andre Peterson 15-mınýtta bir golmen jaýap berdi. Arada taǵy bir mınýt ótkende «Amýr» esep aıyrmasyn eki shaıbaǵa jetkizdi. Al 19-mınýtta «Barys» oıynshysy Nıkıta Mıhaılıs bir goldyń avtory atandy. Esep 3:4. Osylaısha «Barys» birinshi kezeńdi jeńilispen aıaqtady.

Ekinshi kezeń de «Amýr» úshin sátsiz bastaldy deýge negiz bar. Oıyn bastalǵanyna bir mınýt ótkende Kırıll Rasskazov esepti ústemeleı tústi. Esep 3:5. «Barys» budan keıin shabýyl shebin kúsheıte tústi. Qaqpaǵa gol soǵatyn birneshe múmkindik bolǵan edi. Osyndaı sátterdiń birinde Roman Starchenko mergendik tanytty. Esep 4:5. Endi bir shaıba soqsa, «Barys» komandasyn tarazy basyn teńestiretin edi. Alaıda jaǵdaı basqasha órbidi. «Amýr» taǵy da esepti ulǵaıta tústi. Ol 30-mınýtta Andreı Lazarevtiń enshisine jazyldy. Budan keıin Domınık Grahovına qaıtadan aıdynǵa shyqty.

Úshinshi kezeń «Barystyń» basymdyǵy baıqaldy. 43-mınýtta aıdyn ıeleri sapynan Patrık Korme esep aıyrmasyn qysqartýǵa múmkindik aldy. Esep 5:6. «Amýr» sapynan bir hokkeıshi aıdynnan qýylyp, astanalyqtar san basymdyǵyna ıe boldy. Dese de oıyn sońyna deıin esep ózgergen joq. «Amýr» 6:5 esebimen jeńiske jetti.  

Esterińizge sala ketelik, budan buryn «Barys» syrt aıdynda úsh oıyn ótkizip, onyń barlyǵynda jeńiske jetti. Aldymen Mınskiniń «Dınamo» (Belarýs) klýbyn 3:2 esebimen, Bratıslavanyń «Slovanyn» negizgi kezeńde jeńse, Novosibirdiń «Sıbırinen» overtaımda 2:1 esebimen basym tústi.

Endi «Barys» óz aıdynynda eki kezdesý ótkizedi. Aldymen 16 qarashada Máskeýdiń «Dınamo» (Reseı) jáne 18 qarashada Ýfanyń «Salavat ıÝlaev» komandalarymen sheberlik baıqasady. «Barys» atalmysh eki komandamen bıyl bir-birden kezdesý ótkizip qaıtqan edi. 22 qyrkúıekte «Salavat ıÝlaevtan» 3:7 esebimen jeńilse, 24 qyrkúıekte Máskeýdiń «Dınamosynan» overtaımda 3:2 esebimen basym tústi.

Foto: hcbarys.kz