QHL: «Barys» Almatyda «Traktordy» tize búktirdi

NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynyn Almaty qalasynda Chelıabiniń «Traktor» komandasynan basym tústi, dep habarlaıdy QazAqparat tilshisi.

Elordadaǵy «Barys-arenada» búgingi kúnderi kúres túrlerinen álem chempıonaty ótkizilýde. Sondyqtan sońǵy eki kezdesýde qazaqstandyq klýb qarsylastaryn ońtústik astanada qabyldaýda.

«Barys» búgingi kezdesýde jaqsy oınady. Kezdesý barysynda birinshi kezeńde esep ashylǵan joq. Ekinshi kezeńde elordalyq hokkeıshiler qarsylastar qaqpasyna eki shaıba soǵyp ketti. Aldymen 21-mınýtta Roman Starchenko esep ashty. Odan keıin Mıron Pakarınen esepti ulǵaıta tústi. Osylaısha elordalyq klýb qarsylasyn 2:0 esebimen tize búktirdi.

Esterińizge sala ketelik, budan buryn «Barys» Almatyda «Spartaktan» basym tústi.

Elordalyq klýb endi eki oıynyn syrt aıdynda ótkizedi. Aldymen 25 qyrkúıekte Magnıtogorskiniń «Metallýrg» klýbymen kezdesse, 27 qyrkúıekte Chelıabide búgingi qarsylasy - «Traktormen» taǵy bir márte sheberlik baıqasady.