QHL: «Barys» alǵashqy oıynyn elordada ótkizedi
NUR-SULTAN. QazAqparat - Elordalyq «Barys» jańa maýsymdaǵy qurlyqtyq hokkeı lıgasynyń alǵashqy tórt oıynyn óz aıdynynda ótkizedi, dep habarlaıdy QazAqparat tilshisi.
Bul jóninde klýbtyń baspasóz qyzmeti málim etti.
Qazaqstandyq klýb alǵashqy kezdesýinde 3 qyrkúıekte Reseıdiń «Salavat ıÝlaevyn» qabyldaıdy. Odan keıin sol eldiń «Metallýrgymen» 5, «Amýrymen» 8 qyrkúıekte muz aıdynǵa shyǵady. Tórtinshi oıyn 11 qyrkúıekte taǵy bir reseılik «Spartakqa» qarsy ótedi.
Odan keıingi úsh kezdesý Reseı, Latvııa jáne Fınlıandııada jalǵasady. Aldymen 14 qyrkúıekte Máskeýde TsSKA-men sheberlik baıqassa, odan keıingi oıyndar 16 qyrkúıekte Rıgada «Dınaıomen», 18 qyrkúıekte Helsınkıde «Iokerıtpen» bolady.
Qurlyqtyq hokkeı lıgasynyń turaqty chempıonatynda «Barys» sońǵy kezdesýinde Reseıde «Avtomobılıstpen» tartysqa túsedi.
Eske salsaq, elordalyq klýb bıyl jarystyń pleı-off satysyna shyǵyp, onda Reseıdiń «Metallýrg» (Magnıtogorsk) komandasyna jol berdi.
