QHL: «Barys» alǵashqy kezdesýinde jeńilip qaldy
NUR-SULTAN. QazAqparat - Búgin elordalyq «Barys» bıylǵy qurlyqtyq hokkeı lıgasyndaǵy alǵashqy oıynynda Vladıvostoktyń «Admıralynan» jeńilip qaldy, dep habarlaıdy QazAqparat tilshisi.
Búgingi kezdesý tartysty ótti. Birinshi kezeńde qos komanda shabýylǵa jıi shyqty. Dese de eki klýbqa da qaqpaǵa gol soǵýǵa múmkindik bolǵan joq.
Ekinshi kezeńde «Admıral» hokkeıshileri eki shaıba soǵyp ketti. Aldymen olardyń sapynan 31-mınýtta Markýs ıÝng óz komandasyn alǵa shyǵardy. Odan keıin 39-mınýta onyń áriptesi Adam Almkvıst esepti ústemeleı tústi.
Úshinshi kezeńde «Barys» hokkeıshisi Korban Naıt 50-mınýtta esep aıyrmasyn qysqartqan edi. Sońǵy mınýtta elordalyq hokkeıshiler qaqpashyny oıynshyǵa almastyrdy. Qaqpanyń bos ekenin paıdalanǵan «Admıral» sapynan Vasılıı Streltsov mergendik tanytty.
Osylaısha búgingi kezdesýde «Barys» komandasy «Admıraldan» 1:3 esebimen jeńilip qaldy.
«Barys» kelesi kezdesýin 5 qyrkúıekte taǵy da óz aıdynynda ótkizedi. Bul joly Novosibirdiń «Sıbır» komandasymen sheberlik baıqasady.
