QHL: «Barys» alǵashqy kezdesýinde mınskilik «Dınamoǵa» ese jiberdi
NUR-SULTAN. QazAqparat - Elordalyq «Barys» Qurlyqtyq hokkeı lıgasyndaǵy alǵashqy oıynyn ótkizdi, dep habarlaıdy QazAqparat tilshisi.
Bul joly syrt aıdynda Belarýstiń «Dınamo» (Mınsk) komandasymen sheberlik baıqasty.
Kezdesýdi belarýstik komanda belsendi bastady. Nátıjesinde olardyń qatarynan Dmıtrıı Sokolov 8, Nık Merklı 21-mınýtta mergendigimen kózge tústi.
Ekinshi kezeńniń 36-mınýtynda «Barys» hokkeıshisi Anton Sagadeev esep aıyrmasyn qysqartty. Ol 41-mınýtta tarazy basyn teńestirdi.
Kezdesýdiń 46-mınýtynda qazaqstandyq Ádil Beketaev elordalyq klýbty alǵa shyǵardy. Al 58-mınýtta «Dınamo» hokkeıshisi Brendon Kozýn kózdegen nysanadan múlt ketken joq.
Osylaısha eki komanda negizgi kezeńde 3:3 esebine qanaǵat bildirip, oıyn overtaımǵa ulasty. Overtmaıda da jeńimpaz anyqtalǵan joq. Býllıtte «Dınamonyń» joly boldy.
Endi «Barys» 5 qyrkúıekte SKA (Sankt-Peterbýrg) komandasymen kezdesedi. Odan keıin 7 qyrkúıekte «Vıtıaz» (Podolsk), 9 qyrkúıekte «Sochı» komandalarymen aıdynǵa shyǵady.
Al elordada 13 qyrkúıekte «Traktor» (Chelıabınsk) komandasyn qabyldaıdy.
Eske salsaq, eki komanda buǵan deıin 27 márte kezdesti. Onyń 15-i «Barystyń» basymdyǵymen aıaqtalsa, qalǵanynda qarsylasyna ese jiberdi.
Eske salsaq, budan buryn «Barys» shaıbaly hokkeıden Qazaqstan Prezıdenti kýbogynyń ıegeri atandy.
