QHL: «Barys» «Ak Barsty» alty jyldan keıin jeńdi
NUR-SULTAN. QazAqparat - Elordalyq «Barys» qurlyqtyq hokkeı lıgasynda búgin Reseıde Qazan qalasynyń «Ak Bars» komandasymen kezdesti, dep habarlaıdy QazAqparat tilshisi.
Oıyn barysy tartysty órbidi. Alǵashqy eki kezeńde qos komanda bir-biriniń qaqpasynan sańylaý taba alǵan joq. Qazandyq hokkeıshiler birneshe márte tártip buzyp, alańnan qýyldy. Aıta keterligi, «Barys» hokkeıshileri bul kezeńderde óte saq oınady. Birde-bir márte oıyn erejesin buzǵan joq.
Bir qyzyǵy, úsh kezeńde birde-bir shaıba soǵylǵan joq. Negizgi kezeń 0:0 esebimen teń aıaqtaldy. Overtaımda Roman Starchenko jeńis shaıbasyn soqty. Osylaısha «Barys» qarsylasyn 1:0 esebimen jeńdi.
Eki komanda buǵan deıin 36 márte kezdesti. «Barys» nebári 6 márte jeńiske jetip, qalǵanynda qarsylasyna ese jiberdi. 2014 jyldyń 7 qańtarynan beri elordalyq klýb atalǵan qarsylasyn Qazan qalasynda jeńip kórgen joq. Sol jeńilister serııasy búgin buzyldy.
Budan buryn elordalyq klýb overtaımda «Spartaktan» basym tústi.
«Barys» endi 21 qazanda elordada Fınlıandııanyń «Iokerıt» komandasyn qabyldaıdy.
