QHL: «Barys» «Ak barsqa» ese jiberdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýin Reseıdiń «Ak bars» (Qazan) komandasymen ótkizdi, dep habarlaıdy QazAqparat tilshisi.
Bıyl «Ak bars» qurlyqtyq hokkeı lıgasynda táp-táýir oıyn órnegimen kózge túsip keledi. Jalpy týrnır kestesinde ekinshi orynda tur.
Sondyqtan búgingi kezdesý de «Barys» úshin ońaıǵa túspeıtini belgili edi. Aıtqandaı, qazandyq hokkeıshiler alǵashqy bolyp esep ashty. Kezdesýdiń 11-mınýtynda Kamıl Fazylzıanov «Ak bars» komandasyn alǵa shyǵardy. Al 18-mınýtta elordalyq Álıhan Ásetov tarazy basyn teńestirdi. Budan keıin qazandyq klýb sapynan Mett Frettın 37, Artem Galımov 48-mınýtta eki shaıba soǵyp, jeńisti jaqyndatýǵa tyrysty.
Kezdesý sońyna taman «Barys» hokkeıshileri tarazy basyn teńestirýge umtylǵan edi. Nátıjesinde 54-mınýtta Nıkıta Mıhaılıs mergendik kórsetti. Degenmen elordalyq komanda esepti teńestire almady. Osylaısha olar qarsylasynan 2:3 esebimen jeńildi.
Budan buryn «Barys» Reseıdiń «Lokomotıv» (ıAroslavl) komandasynan jeńilip qalǵan bolatyn.
Endi «Barys» 29 qazanda elordada Reseıdiń «Metallýrg» (Magnıtogorsk) komandasyn qabyldaıdy.
