QHL: «Barys» jańa maýsymdy qashan bastaıdy
ASTANA. KAZINFORM - Astanalyq «Barys» Qurlyqtyq hokkeı lıgasyndaǵy 2026/2027 jylǵy maýsymda alǵashqy oıynyn qashan ótkizetini belgili boldy.
Qazaqstandyq komanda jańa maýsymdy elordadaǵy oıyndar serııasymen bastaıdy. Olar reseılik klýbtarmen qatarynan úsh match ótkizedi.
Aldymen elordalyq klýb 7 qyrkúıekte «Sıbır» (Novosibir) komandasymen kezdesse, odan keıin «Salavat ıÝlaev» (Ýfa) jáne «Amýr» (Habarovsk) klýbtarymen sheberlik baıqasady.
Jańa maýsymnyń tolyq kúntizbesi erteń, 16 maýsymda jankúıer nazaryna usynylady.
Aldaǵy maýsymǵa barlyǵy 22 komanda qatysady. Olardyń qatarynda elordalyq «Barys» ta bar. Komandalar jyldaǵydaı Shyǵys jáne Batys konferentsııasyna bólingen.
Shyǵys konferentsııasyna Reseıdiń «Avtomobılıst» (Ekaterınbýrg), «Ak Bars» (Qazan), «Metallýrg» (Magnıtogorsk), «Neftehımık» (Nıjnekamsk), «Traktor» (Chelıabi), «Avangard» (Omby), «Admıral» (Vladıvostok), «Amýr» (Habarovsk), «Salavat ıÝlaev» (Ýfa), «Sıbır» (Novosibir) jáne qazaqstandyq «Barys» engizilgen.
Batys konferentsııasynda Reseıdiń SKA (Sankt-Peterbýrg), «Spartak» (Máskeý), «Torpedo» (Nıjnıı Novgorod), «Lada» (Tolıattı), «Sochı», «Dınamo» (Máskeý), «Lokomotıv» (ıAroslavl), «Severstal» (Cherepovets), TsSKA (Máskeý), Belarýstiń «Dınamo» (Mınsk), Qytaıdyń «Shanhaı Dregons» komandalary synǵa túsedi.
Aıta ketsek, bıyl Qurlyqtyq hokkeı lıgasynda «Lokomotıv» (ıAroslavl) komandasy Gagarın kýbogynyń ıegeri atandy. Olar jalpy serııada «Ak Bars» (Qazan) komandasyn 4:2 esebimen jeńdi.
Eske salsaq, bıyl elordalyq «Barys» QHL-dyń pleı-off kezeńine shyǵa alǵan joq.
