QHL: «Barys» jańa maýsymdaǵy alǵashqy oıynyn ótkizedi
ASTANA. INFORMSPORTS – Qazaqstandyq «Barys» komandasy Qurlyqtyq hokkeı lıgasyndaǵy alǵashqy oıynynda búgin, 7 qyrkúıekte elordada Reseıdiń «Sıbır» (Novosibir) komandasyn qabyldaıdy.
Bul kezdesý Qazaqstan ýaqytymen 19:00-de bastalady.
Eki komanda arasyndaǵy keıingi alty kezdesýdiń beseýinde reseılik komandanyń mereıi ústem boldy.
Elordalyq klýbta medıtsınalyq tekserýden keıin 15 shildeden bastap qazaqstandyq hokkeıshiler jattyǵýǵa kiristi. 1 tamyzdan bastap olardyń qataryna sheteldik oıynshylar qosyldy.
Komandanyń 2026/27 jylǵy QHL maýsymyna daıyndyqtyń qorytyndy kezeńi 31 tamyz-6 qyrkúıek aralyǵynda «Barys Arenada» ótti.
Aldaǵy maýsymda ujymnyń bas bapkeri qyzmetin Mıhaıl Kravets atqarady. Onyń kómekshisi bolyp otandyq jankúıerlerge jaqsy tanys maman Talǵat Jaılaýov bekitildi.
Shabýylshylarmen Aleksandr Savchenkov, al qorǵaýshylarmen Evgenıı Korolev jumys isteıdi. Qaqpashylardy daıyndaý isi Konstantın Barýlınge senip tapsyryldy.
Aldaǵy maýsymǵa barlyǵy 22 komanda qatysady. Olardyń qatarynda elordalyq «Barys» ta bar. Komandalar jyldaǵydaı Shyǵys jáne Batys konferentsııasyna bólingen.
Shyǵys konferentsııasyna Reseıdiń «Avtomobılıst» (Ekaterınbýrg), «Ak Bars» (Qazan), «Metallýrg» (Magnıtogorsk), «Neftehımık» (Nıjnekamsk), «Traktor» (Chelıabi), «Avangard» (Omby), «Admıral» (Vladıvostok), «Amýr» (Habarovsk), «Salavat ıÝlaev» (Ýfa), «Sıbır» (Novosibir) jáne qazaqstandyq «Barys» engizilgen.
Batys konferentsııasynda Reseıdiń SKA (Sankt-Peterbýrg), «Spartak» (Máskeý), «Torpedo» (Nıjnıı Novgorod), «Lada» (Tolıattı), «Sochı», «Dınamo» (Máskeý), «Lokomotıv» (ıAroslavl), «Severstal» (Cherepovets), TsSKA (Máskeý), Belarýstiń «Dınamo» (Mınsk), Qytaıdyń «Shanhaı Dregons» komandalary synǵa túsedi.
Aıta ketsek, bıyl Qurlyqtyq hokkeı lıgasynda «Lokomotıv» (ıAroslavl) komandasy Gagarın kýbogynyń ıegeri atandy. Olar jalpy serııada «Ak Bars» (Qazan) komandasyn 4:2 esebimen jeńdi.
Eske salsaq, ótken maýsymda elordalyq «Barys» QHL-dyń pleı-off kezeńine shyǵa alǵan joq.
