QHL: «Barys» úsh oıynǵa sozylǵan sátsizdik serııasyn toqtatty
ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 12 qarashada elordada Reseıdiń «Admıral» (Vladıvostok) komandasyna qarsy ótkizdi.
Kezdesý barysynda birinshi kezeńde reseılik komanda eki shaıba soqsa, oǵan qazaqstandyq klýb bir golmen jaýap qaıyrdy. Ekinshi kezeńde qarsylastar bir-biriniń qaqpasynan sańylaý taba almasa, úshinshi kezeńde elordalyq ujym qatarynan úsh gol soǵyp ketti.
«Barys» (Astana, Qazaqstan) — «Admıral» (Vladıvostok, Reseı) 4:2 (1:2, 0:0, 3:0)
1:0 — Morellı (Prıskı, Sımonov) — 08:47
1:1 — Ýsmanov — 19:04
1:2 — Grass (Kamara, Rendýlıch) — 19:38
2:2 — Shestakov — 46:51
3:2 — Logvın (Deı, Pılon) — 53:38
4:2 — Logvın (Pılon) — 59:08
Qaqpashylar: Shýtov — Boıarkın.
Osylaısha elordalyq klýb qarsylasynan 4:2 esebimen basym túsip, úshinshi oıynǵa sozylǵan sátsizdik serııasyn toqtatty.
Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes kezdesýdiń bireýinde elordalyq klýb jeńiske jetti.
Qazaqstandyq komanda budan keıin taǵy bir oıynyn elordada ótkizip, 15 qarashada
Reseıdiń «Metallýrg» (Magnıtogorsk) ujymyn qabyldaıdy.
