QHL: «Barys» túzde «Avangard» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 29 qazanda Qurlyqtyq hokkeı lıgasyndaǵy kezekti oıynyn elordada Reseıde «Avangard» (Omby) komandasyna qarsy ótkizedi. 

Kezdesý Qazaqstan ýaqytymen 18:20-da bastalyp, «Qazsport» telearnasynan tikeleı efırde kórsetiledi.

Qazirge deıin komandalar 76 márte sheberlik baıqasty. Onyń 25-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti. Keıingi bes kezdesýdiń bireýinde qazaqstandyq klýb atalǵan qarsylasynan basym tústi.

Týrnır kestesinde «Barys» 19 upaımen 15-orynǵa jaıǵassa, «Avangard» 25 upaımen 7-orynda keledi.

Elordalyq klýb budan keıin taǵy bir oıynyn syrt aıdynda 31 qazanda Reseıde «Traktor» (Chelıabi) komandasyna qarsy ótkizedi.

Aıta ketsek, budan buryn «Barys» óz aıdynynda «Neftehımık» komandasyna ese jibergenin jazǵanbyz.