QHL: «Barys» tartysty oıynda «Sıbır» komandasyn qapy qaldyrdy

ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizdi.

Bıyl «Barys» jeti kezdesýdiń úsheýinde jeńiske jetip, qalǵanynda qarsylastaryna ese jiberdi. Al «Sıbır» jeti kezdesýdiń tórteýinde qarsylasyn qapy qaldyrdy.

Týrnır kestesinde «Barys» 7 upaımen 19 orynǵa jaıǵassa, «Sıbır» 8 upaımen 17 oryndy mise tutyp turǵan edi.

Búgingi kezdesýde komandalar tartysty oıyn ótkizdi. Alǵashqy mınýtta reseılik klýbtyń belsendiligi baıqalyp turdy. Olardyń qatarynan Roman Kalınıchenko 5-mınýtta esep ashsa, nebári 34 sekýndtan keıin áriptesi Skott Ýılson basymdyqty arttyrdy. Oǵan «Barys» sapynan Semen Sımonov 8, Dmıtrıı Breýs 22-mınýtta eki golmen jaýap berip, tarazy basyn teńestirdi.

Odan keıin qaıtadan Nıkıta Soshnıkov 23, Vladıslav Kara 27-mınýtta mergendik tanytyp, qaıtadan «Sıbır» alǵa shyqty. Al «Barys» sapynan Djeık Massı 30, Semen Sımonov 37, Ien Makkoshen 48, Meıson Morellı 58-mınýtta tórt márte qarsylas qaqpasyn dál kózdedi. Osylaısha qarsylasynan 6:4 esebimen basym túsip, týrnır kestesinde 9 upaımen 13-orynǵa kóterildi.

Endi elordalyq klýb aldaǵy eki oıynyn Astanada ótkizedi. Aldymen 29 qyrkúıekte Reseıdiń «Admıral» (Vladıvostok) komandasyn qabyldasa, 1 qazanda «Lokomotıv» (ıAroslavl) komandasymen kezdesedi.

Buǵan deıin «Barys» búgin elordada «Sıbır» komandasymen kezdesetinin jazǵan edik.