QHL: «Barys» syrt alańda Shanhaı Dregons» komandasynan basym tústi
ASTANA. KAZINFORM — Qazaqstandyq «Barys» komandasy búgin, ıaǵnı 2 naýryzda Qurlyqtyq hokkeı lıgasyndaǵy kezekti oıynyn Qytaıdyń «Shanhaı Dregons» komandasyna qarsy ótkizdi.
Oıyn barysynda qos komanda kóp gol soǵýymen erekshelendi. Birinshi kezeńde qazaqstandyq komanda tórt gol soqsa, oǵan qytaılyq klýb úsh golmen jaýap berdi. Ekinshi kezeńde elordalyq hokkeıshiler taǵy eki márte kózge tússe, oǵan qarsylas komanda bir gol soqty.
Sheshýshi kezeńde «Barys» qaqpany taǵy eki márte dál kózdedi.
«Shanhaı Dregons» (Shanhaı, Qytaı) — Barys (Astana) 4:8 (3:4, 1:2, 0:2)
1:0 — Satter — 00:57
1:1 — Savıtskıı (Lıapýnov) — 04:48
1:2 — Ýolsh (Ýıllman, Vekkone) — 05:44 GB
2:2 — Klendenıng (Fý P., Satter) — 08:07
2:3 — Vekkone (Ýolsh, Morellı) — 08:59
2:4 — Morellı (Breýs, Beketaev) — 15:17
3:4 — Rendýlıch (Popýgaev, Klendenıng) — 19:44
3:5 — Vekkone (Massı, Morellı) — 22:23
3:6 — Sımonov (Makkoshen, Vekkone) — 25:58
4:6 — Kýznetsov V. (Kablýkov, Raıllı) — 27:37
4:7 — Logvın (Asetov, Panıýkov) — 42:41
4:8 — Vekkone (Tompson, Morellı) — 56:56
Qaqpashylar: Shıkın — Boıarkın.
Osylaısha elordalyq klýb qarsylasynan 8:4 esebimen basym tústi.
Endi «Barys» klýby budan keıin úsh oıynyn syrt aıdynda ótkizedi. Aldymen 10 naýryzda Reseıde «Amýr» (Habarovsk) klýbymen kezdesse, 12 jáne 13 naýryzda «Admıral» (Vladıvostok) komandasymen sheberlik baıqasady.
Eske salsaq, budan buryn «Barys» Reseıde SKA komandasynan iri eseppen jeńildi.