QHL: «Barys» Reseıde «Traktor» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 31 qazanda Qurlyqtyq hokkeı lıgasyndaǵy kezekti oıynyn elordada Reseıde «Traktor» (Chelıabi) komandasyna qarsy ótkizedi.

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 58 márte sheberlik baıqasty. Onyń 29-y elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń bireýinde qazaqstandyq klýb atalǵan qarsylasynan basym tústi.

Týrnır kestesinde «Barys» 19 upaımen 16-orynǵa jaıǵassa, «Traktor» 23 upaımen 13-orynda keledi.

Qazaqstandyq klýb budan keıin tórt oıynyn elordada ótkizedi. Aldymen 3 qarashada Reseıdiń «Neftehımık» (Nıjnekamsk) komandasyna qarsy ótkizse, odan keıin 5 qarashada «Salavat ıÝlaev» (Ýfa), 7 qarashada «Avtomobılıst» (Ekaterınbýrg), 9 qarashada «Metallýrg» (Magnıtogorsk) klýbtarymen sheberlik baıqasady.

Eske salsaq, budan buryn «Barys» Ombyda «Avangardqa» ese jiberdi.