QHL: «Barys» Reseıde «Torpedoǵa» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 6 qańtarda Qurlyqtyq hokkeı lıgasyndaǵy kezekti oıynyn Reseıde «Torpedo» (Nıjnıı Novgorod) komandasyna qarsy ótkizdi. 

Kezdesý barysynda qazaqstandyq komanda ǵalshqy bolyp esep ashty. Birinshi kezeńde Kırıll Savıtskıı esep ashsa, oǵan reseılik komanda bir golmen jaýap qaıyrdy. 

Ekinshi kezeńde elordalyq komanda taǵy bir márte kósh bastady. Degenmen «Torpedo» hokkeıshileri qatarynan eki shaıba soǵyp, oıyn tizginin óz qolyna aldy.

«Torpedo» (Nıjnıı Novgorod, Reseı) — «Barys» (Astana, Qazaqstan)
12:48. 0:1 — Savıtskıı Kırıll (Ómirbekov Álıhan, Qaıyrjan Dinmuhamed)
13:34. 1:1 — Shevchenko Dmıtrıı (Fedorov Vıktor S., Nardella Robert)
29:15. 1:2 — Shaıhmeddenov Ansar (Panıýkov Kırıll, Breýs Dmıtrıı)
33:40. 2:2 — Tkachev Vladımır A. (Vınogradov Egor)
39:29. 3:2 — Garaev Amır (Konıýshkov Bogdan, Jýravlev Danııl).
Qaqpashylar: Kostın — Boıarkın

Qazaqstandyq klýb budan keıin úsh oıynyn syrt aıdynda ótkizedi. Aldymen 8 qańtarda Reseıdiń «Ak Bars» (Qazan) klýbymen kezdesse, 10 qańtarda «Salavat ıÝlaev» (Ýfa), 12 qańtarda «Avtomobılıst» (Ekaterınbýrg) komandalarymen sheberlik baıqasady.