QHL: «Barys» Reseıde SKA komandasynan iri eseppen jeńildi

ASTANA. KAZINFORM — Qazaqstandyq «Barys» komandasy búgin, ıaǵnı 2 naýryzda Qurlyqtyq hokkeı lıgasyndaǵy kezekti oıynyn Reseıde SKA (Sankt-Peterbýrg) komandasyna qarsy ótkizdi.

Bul kezdesýde qazaqstandyq komanda óte sátsiz oınady. Birinshi kezeńde reseılik klýb eki shaıba soqsa, ekinshi kezeńde olar taǵy úsh gol soǵyp ketti.

Sheshýshi kezeńde de SKA hokkeıshileri eki márte kózge tústi.

SKA (Sankt-Peterbýrg, Reseı) — «Barys» (Astana, Qazaqstan) 7:0 (2:0, 3:0, 2:0)
1:0 — Vorobev (Dıshkovskıı, Goldobın) — 09:33
2:0 — Plotnıkov (Pedan, Goldobın) — 11:53
3:0 — Savıkov (Blandızı, Ýılson) — 24:19
4:0 — Plotnıkov (Goldobın, Ýılson) — 32:08
5:0 — Polıakov (Sapego, Grımaldı) — 36:49
6:0 — Plotnıkov (Goldobın, Fıllıps) — 51:07
7:0 — Korotkıı (Haırýllın, Savıkov) — 56:29
Qaqpashylar: Pleshkov — Shýtov (Shıl, 24:19 — 60:00)

Osylaısha «Barys» qarsylasyna 0:7 esebimen ese jiberdi. Bul — olardyń qatarynan besinshi jeńilisi.

Týrnır kestesinde «Barys» 47 upaımen 19-orynǵa jaıǵassa, SKA 71 upaımen 11-orynǵa kóterildi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.

«Barys» klýby budan keıin tórt oıynyn syrt aıdynda ótkizedi. Aldymen 7 naýryzda Qytaıdyń «Shanhaı aıdaharlary» (Shanhaı) klýbymen kezdesse, 10 naýryzda Reesıde «Amýr» (Habarovsk), 12 jáne 13 naýryzda «Admıral» (Vladıvostok) klýbtarymen sheberlik baıqasady.