QHL: «Barys» Reseıde «Sıbırge» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 17 naýryzda Qurlyqtyq hokkeı lıgasyndaǵy kezekti oıynyn Reseıde «Sıbır» (Novosibir) komandasyna qarsy ótkizdi.

«Sıbır» komandasynyń pleı-off satysyna shyǵýyna áli de múmkindigi bar. Sondyqtan olar árbir kezdesýde jeńiske jetýge kúsh salyp keledi.

Kezdesý basynan reseılik klýb basymdyǵyn baıqatty. Dese alǵashqy goldy qazaqstandyq komanda soqty. Oıynnyń 5-mınýtynda Dinmuhamed Qaıyrjan esep ashty. Odan keıin reseılik klýbtan Endı Andreoff 14, Pavel Gogolev 15, Nıkıta Korotkov 17-mınýtta mergendik tanytty.

Al 38-mınýtta «Barys» sanynan Beıbarys Orazov esep aıyrmasyn qysqartty.

Osydan keıin qazaqstandyq klýbtyń belsendiligi baıqalyp turdy. Qarsylas komanda qaqpasy mańynda jıi shabýyl uıymdastyrdy. 

Kezdesýde elordalyq klýb qarsylasyna 2:3 esebimen ese jiberdi.

Endi «Barys» budan keıin QHL-dyń turaqty kezeńinde eki oıynyn Astanada ótkizedi.

Aldymen elordada 20 naýryzda Reseıdiń «Ak bars» (Qazan) klýbymen sheberlik baıqassa, odan keıin 22 naýryzda «Salavat ıÝlaev» (Ýfa) komandasymen kezdesedi.