QHL: «Barys» Reseıde «Salavat ıÝlaevqa» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 27 qarashada Qurlyqtyq hokkeı lıgasyndaǵy kezekti oıynyn Reseıde «Salavat ıÝlaev» (Ýfa) komandasyna qarsy ótkizedi. 

Kezdesý barysynda qazaqstandyq komanda jyldam gol soǵý múmkindigin izdedi. Nátıjesinde olar qatarynan eki gol soǵyp úlgerdi. Oıynnyń 11-mınýtynda Maks Ýıllman mergendigimen kózge tússe, odan keıin Maık Vekkıone 13-mınýtta kózdegen nysanadan múlt ketken joq. Oǵan «Salavat ıÝlaev» sapynan Devın Brosso 17-mınýtta bir golmen jaýap qaıyrdy.

Ekinshi kezeńde reseılik komandanyń belsendiligi baıqaldy. Aldymen elordalyq klýbtan Raılı Ýolsh 27-mınýtta kózge tússe, odan keıin reseılik komandadan Sheldon Rempal 29, Djek Rodevald 33-mınýtta óz múmkindigin múlt jibergen joq.

Úshinshi kezeńde «Salavat ıÝlaev» sapynan Dın Stıýart 41-mınýtta gol soqsa, elordalyq klýbtan Maks Ýıllman 43-mınýtta esep aıyrmasyn qysqartty.

Oıynnyń 44-mınýtynda Sheldon Rempal qaıtadan «Salavat ıÝlaevty» alǵa shyǵarsa, Artem Pımenov 57, Devın Brosso 59-mınýtta eki shaıba soǵyp ketti.

Osylaısha elordalyq klýb qarsylasyna 4:7 esebimen ese jiberdi.

Qazaqstandyq klýb budan keıin eki oıynyn syrt aıdynda ótkizedi.

Aldymen 29 qarashada Reseıde «Metallýrg» (Magnıtogorsk) komandasymen oınasa, odan keıin 1 jeltoqsanda «Sıbır» (Novosibir) klýbtarymen sheberlik baıqasady.