QHL: «Barys» Reseıde «Neftehımıkke» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 24 qańtarda Qurlyqtyq hokkeı lıgasyndaǵy kezekti oıynyn Reseıde «Neftehımık» (Nıjnekamsk) klýbyna qarsy ótkizdi.

Kezdesý barysynda reseılik komanda birinshi kezeńde jalǵyz gol soqty. Ekinshi kezeńde qarsylastar bir-biriniń qaqpasynan sańylaý taba alǵan joq. Úshinshi kezeńde komandalar eki-ekiden shaıba almasty.

Osylaısha «Barys» qarsylasyna 2:3 esebimen ese jiberdi.

Neftehımık (Nıjnekamsk) — Barys (Astana) 3:2 (1:0, 0:0, 2:2)
1:0 — Profaka (Horýjev, Dergachev) — 12:58
2:0 — Belozerov — 41:31
2:1 — Sımonov (Ýolsh, Massı) — 51:37
3:1 — Shafıgýllın — 58:07
3:2 — Ýıllman — 59:36
Qaqpashylar: Ozolın — Shıl.

Qazirge deıin komandalar 45 márte sheberlik baıqasty. Onyń 23-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Aıta ketsek, qazaqstandyq klýb budan keıin bir oıynyn elordada ótkizip, 28 qańtarda «Admıral» (Vladıvostok) komandasymen kezdesedi.