QHL: «Barys» Reseıde «Metallýrg» komandasyna ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 18 qyrkúıekte Qurlyqtyq hokkeı lıgasyndaǵy kezekti oıynyn Reseıde «Metallýrg» (Magnıtogorsk) komandasyna qarsy ótkizdi.

Kezdesý barysya reseılik komanda alǵashqy bolyp esep ashty. Oıynnyń 13-mınýtynda Roman Kantserov mergendik tanytsa, odan keıin Nıkıta Mıhaılıs 22, Lıýk Djonson 28, Alekseı Maklıýkov 39-mınýtta basymdyqty arttyrdy.

Al «Barys» sapynan Djeık Massı 48-mınýtta esep aıyrmasyn qysqartsa, 52-mınýtta reseılik klýbtan Derek Barak kózdegen nysanadan múlt ketken joq.

Osylaısha elordalyq komanda qarsylasyna 1:5 esebimen ese jiberdi. 

Eki komanda buǵan deıin 73 márte kezdesken. Onyń 24-i elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Endi qazaqstandyq komanda 20 qyrkúıekte Reseıde «Severstal» (Cherepovets), 22 qyrkúıekte Belarýstiń «Dınmo» (Mınsk) komandasymen kezdesedi. 

Eske salsaq, budan buryn qazaqstandyq komanda elordada Reseıdiń «Traktor» (4:3, overtaım), «Amýr» (4:3, býllıt), «Dınamo» (5:2) klýbtarynan basym tússe, Belarýstiń «Dınamosyna» (1:3) ese jiberdi.