QHL: «Barys» Reseıde «Ladaǵa» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 20 qańtarda Qurlyqtyq hokkeı lıgasyndaǵy kezekti oıynyn Reseıde «Lada» (Tolıattı) klýbyna qarsy ótkizdi.

Komandalar bıylǵy birinshilikti sátsiz ótkizip keledi. Saldarynan týrnır kestesinde tómengi oryndardy mise tutyp tur. Týrnır kestesinde «Barys» 37 upaımen 19-orynǵa jaıǵassa, «Lada» 32 upaımen 22-oryndy enshiledi.

Sondaı-aq elordalyq komanda bul qarsylasymen sátsiz oıyn kórsetedi. Sońǵy bes kezdesýdiń tórteýinde qazaqstandyq klýb atalǵan qarsylasyna ese jiberdi. Qazirge deıin komandalar 20 márte sheberlik baıqasty. Onyń 10-y elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Kezdesý barysynda komandalar alǵashqy eki kezeńde bir-biriniń qaqpasynan sańylaý taba alǵan joq.

Birinshi kezeńde elordalyq klýb sapynan Kırıll Panıýkov pen Samat Danııar dórekilik tanytyp, eki mınýtqa oıynnan shettetildi. Ekinshi kezeńde reseılik klýbtan Aleks Kotton dál osyndaı aıyppen jazalandy.

Kezdesý barysynda «Barys» sapynan Andreı Altybarmakıan 53-mınýtta gol soqsa, Artýr Tıanýlın 58-mınýtta basymdyqty arttyrdy.

Osylaısha elordalyq klýb qarsylaasyna 0:2 esebimen ese jiberdi.

Aıta ketsek, qazaqstandyq klýb budan keıin eki oıynyn Reseıde ótkizedi. Aldymen 22 qańtarda TsSKA klýbymen kezdesse, 24 qańtarda «Neftehımık» (Nıjnekamsk) komandasymen oınaıdy.