QHL: «Barys» Reseıde býllıtten «Spartakty» jeńdi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 4 qazanda Reseıde «Spartak» (Máskeý) komandasyna qarsy ótkizdi.
Kezdesý barysynda komandalar alǵashqy mınýttan belsendilik kórsetti. Soǵan qaramastan birinshi kezeńde qarsylastar bir-biriniń qaqpasynan sańylaý taba alǵan joq.
Oıynnyń 27-mınýtynda máskeýlik klýbtan Danııl Gýtık mergendigimen kózge tússe, odan keıin elordalyq klýbtan Logan Deı 30, Álıhan Ásetov 34-mınýtta eki gol soǵyp ketti.
Al 36-mınýtta reseılik klýbtan Danıl Pıvchýlın tarazy basyn teńestirse, Lıýk Lokhart 48-mınýtta alǵa shyǵardy.
Odan keıin qazaqstandyq klýbtan Taıs Tompson kózdegen nysanadan múlt ketken joq.
Osylaısha negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtten «Barystyń» joly boldy. Nátıjesinde olar qarsylasynan býllıtten 4:3 esebimen basym tústi.
«Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Semen Sımonov, Taıs Tompson, Ańsar Shaıhmeddenov, Arkadıı Shestakov.
Qazaqstandyq komanda budan keıin eki oıynyn elordada ótkizedi. Aldymen 10 qazanda Reseıdiń «Avangard» (Omby) komandasymen kezdesse, odan keıin 12 qazanda «Sıbır» (Novosibir), 14 qazanda «Avtomobılıst» (Ekaterınbýrg) klýbtarymen oınaıdy.
