QHL: «Barys» Reseıde «Avtomobılısten» basym tústi

ASTANA. KAZINFORM — Qazaqstandyq «Barys» komandasy búgin, ıaǵnı 16 jeltoqsanda Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) komandasyna qarsy ótkizdi.

Komandalar bıyl pleı-off satysyna joldama alýǵa kúsh salyp keledi. Osy maqsatta árbir kezdesýde upaı qoryn molaıtýǵa kúsh salyp júr. Ázirge «Avtomobılıst» komandasynyń týrnır kestesindegi jaǵdaıy táýir. Týrnır kestesinde «Barys» 30 upaımen 18-orynǵa jaıǵassa, «Avtomobılıst» 39 upaımen 10-orynda keledi.

Kezdesý barysynda komandalar jyldam gol soǵýǵa tyrysty. Alǵashqy kezeńde bir-biriniń qaqpasynan sańylaý taba alǵan joq.

Ekinshi kezeńde qazaqstandyq komanda qatarynan eki shaıba soǵyp ketti. Aldymen Semen Sımonov 25-mınýtta esep ashsa, 37-mınýtta Maık Vekkıone mergendik tanytty.

Úshinshi kezeńde «Avtomobılıst» sapynan Maksım Osıpov 50-mınýtta esep aıyrmasyn qysqartty. Odan keıin «Barys» qatarynan Semen Sımonov taǵy bir márte gol soqsa, Maks Ýıllman 57-mınýtta qorytyndy esepti belgiledi.

Osylaısha elordalyq klýb qarsylasynan 4:1 esebimen basym tústi.

Eske salsaq, qazaqstandyq klýb budan keıin taǵy bir oıynyn syrt aıdynda ótkizip, 18 jeltoqsanda Reseıde «Dınamo» (Máskeý) komandasymen sheberlik baıqasady.