QHL: «Barys» Reseıde «Amýrǵa» ese jiberdi
ASTANA. KAZINFORM — Qazaqstandyq «Barys» komandasy búgin, ıaǵnı 15 naýryzda Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasyna qarsy ótkizdi.

Kezdesý barysynda reseılik hokkeıshiler belsendilik kórsetti. Qatarynan tórt shaıba soǵyp, jeńisti jaqyndata tústi. Olardyń qatarynan Oleg Lı 1, 21, Vladıslav Barýlın 5, Evgenıı Grachev 11-mınýttarda mergendik tanytty.
Oǵan «Barys» sapynan Roman Starchenko 36, Dinmuhamed Qaıyrjan 42-mınýtta eki golmen jaýap qaıyrdy.
Oıynnyń 57-mınýtynda reseılik klýbtan Oleg Lı kezdesý barysynda het-trıktiń avtory atandy.
Osylaısha elodalyq komanda qarsylasyna 2:5 esebimen ese jiberdi.
Endi «Barys» budan keıin QHL-dyń turaqty kezeńinde úsh oıynyn ótkizedi.
Aldymen Reseıde 17 naýryzda «Sıbır» (Novosibir) komandasymen oınasa, odan keıin elordada 20 naýryzda Reseıdiń «Ak bars» (Qazan), 22 naýryzda «Salavat ıÝlaev» (Ýfa) klýbtarymen kezdesedi.
Eske salsaq, budan buryn «Barys» býllıtten «Admıraldy» jeńdi.