QHL: «Barys» Reseıde «Amýrǵa» ese jiberdi
ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 8 qarashada Reseıdiń «Amýr» (Habarovsk) komandasyna qarsy ótkizdi.
Kezdesý barysynda birinshi kezeńde komandalar bir-biriniń qaqpasynan sańylaý taba alǵan joq. Odan keıingi eki kezeńde reseılik klýb bir-birden shaıba soqty.
«Amýr» (Habarovsk, Reseı) — «Barys» (Astana, Qazaqstan) 2:0 (0:0, 1:0, 1:0)
1:0 — Lı (Abramov, Lıhachev) — 37:05
2:0 — Ýrakov (Petkov) — 59:51
Qaqpashylar: Trýshkov — Shepard.
«Barys» komandasynyń quramy
Qaqpashylar: Danıl Lytkın («Nomad» komandasynan keldi), Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ańsar Shaıhmeddenov, Arkadıı Shestakov.
Vladıslav Nýrek Azııa chempıonatyna daıyndalyp jatqan Qazaqstan ulttyq quramasynyń sapyna shaqyrý alsa, Mádı Dıhanbek qalpyna kelý protsesin jalǵastyrýyp jatyr.
Osylaısha, elordalyq klýb qarsylasyna 0:2 esebimen ese jiberdi.
Endi qazaqstandyq komanda aldaǵy eki oıynyn elordada ótkizedi. Aldymen 12 qarashada Reseıdiń «Admıral» (Vladıvostok) komandasyna qarsy ótkizse, odan keıin 15 qarashada «Metallýrg» (Magnıtogorsk) ujymyn qabyldaıdy.
Aıta ketsek, elordalyq klýb budan Reseıdiń «Admıral» (Vladıvostok) komandasynan jeńilip qalǵan edi.