QHL: «Barys» Reseıde «Ak Bars» komandasynan jeńilip qaldy

ASTANA. KAZINFORM — Qazaqstandyq «Barys» komandasy búgin, ıaǵnı 8 qańtarda Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizdi.

Kezdesý barysynda komandalar birinshi kezeńde bir-biriniń qaqpasynan sańylaý taba alǵan joq. Ekinshi kezeńde reseılik klýb qatarynan eki shaıba soqsa, úshinshi kezeńde qarsylastar bir-bir goldan almasty.

«Ak Bars» (Qazan) — «Barys» (Astana) 3:1 (0:0, 2:0, 1:1)

1:0 — Hmelevskıı (Semenov, ıAshkın) — 30:45
2:0 — Denısenko (Bıro) — 32:25
2:1 — Ýıllman (Vekkone, Ýolsh) — 51:29
3:1 — Galımov — 57:48

Qaqpashylar: Arefev — Shıl

Osylaısha «Barys» qarsylasyna 1:3 esebimen ese jiberip, týrnır kestesindegi jaǵdaıyn birshama qıyndatyp aldy. Qazaqstandyq komanda qatarynan ekinshi márte jeńilistiń aşy dámin tatty.

Qazaqstandyq klýb budan keıin eki oıynyn syrt aıdynda ótkizedi. Aldymen 10 qańtarda Reseıdiń «Salavat ıÝlaev» (Ýfa) klýbymen kezdesse, 12 qańtarda «Avtomobılıst» (Ekaterınbýrg) komandasymen sheberlik baıqasady.