QHL: «Barys» pleı-off satysynan tys qaldy

ASTANA. KAZINFORM – Astanalyq «Barys» Qurlyqtyq hokkeı lıgasy pleı-off satysyna shyǵý múmkindiginen aıyryldy. 

Qazaqstandyq komanda tórtinshi jyl qatarynan pleı-off satysynan tys qalyp otyr. Bul jaǵdaı Reseıdiń «Sıbır» (Novosibir) komandasynyń Qytaıdyń «Shanhaı Dregons» klýbyn 2:1 esebimen jeńgeninen keıin belgili boldy.

QHL-nyń ótken maýsymynda «Barys» Shyǵys konferentsııasynda 35 upaı jınap, týrnır kestesinde sońǵy oryndy mise tutty. Al 2023/2024 jylǵy maýsymda 50 upaımen kósh sońynda qaldy. 

Qazaqstandyq komanda sońǵy ret 2021/2022 jylǵy maýsymda 1/4 fınalda Reseıdiń «Metallýrg» klýbyna jalpy serııada 1:4 esebimen ese jiberdi.

Bıyl «Barys» 47 upaımen 19-orynda keledi. Endi olar alda 6 oıyn ótkizedi. Aldaǵy kezdesý 7 naýryzda syrt aıdynda Qytaıdyń «Shanhaı Dregons» komandasyna qarsy ótedi. 

Eske salsaq, budan buryn «Barys» Reseıde SKA komandasynan iri eseppen jeńildi.