QHL: «Barys» overtaımda «Sochıden» basym tústi

ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Sochı» komandasyna qarsy ótkizdi.

Kezdesý barysynda reseılik komanda alǵashqy bolyp esep ashty. Olardyń qatarynan Jan-Krıstof Boden 7-mınýtta mergendik tanytty. Odan keıin eki komandanyń da esepti ózgertetin múmkindigi bolǵan edi. 

Ekinshi kezeńde qazaqstandyq komanda tarazy basyn teńestirdi. Bul joly Kırıll Panıýkov 39-mınýtta kózdegen nysanadan múlt ketken joq. 

Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda «Barys» sapynan Taıs Tompson qorytyndy esepti belgiledi.

Osylaısha elordalyq klýb qarsylasynan overtaımda 2:1 esebimen basym tústi. 
Qazirge deıin komandalar 22 márte sheberlik baıqasty. Onyń 14-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń barlyǵynda qazaqstandyq klýb atalǵan qarsylasynan basym tústi.

Qazaqstandyq klýb budan keıin eki oıynyn elordada ótkizedi. Aldymen 21 qarashada Reseıdiń «Salavat ıÝlaev» (Ýfa) komandasyn qabyldasa, 23 qarashada «Avangard» (Omby) klýbymen sheberlik baıqasady.