QHL: «Barys» overtaımda «Shanhaı aıdaharlaryna» ese jiberdi
ASTANA. KAZINFORM — Qazaqstandyq «Barys» komandasy búgin, ıaǵnı 20 aqpanda Qurlyqtyq hokkeı lıgasyndaǵy kezekti oıynyn elordada Qytaıdyń «Shanhaı aıdaharlary» (Shanhaı) komandasyna qarsy ótkizdi.
Birinshi kezeńde komandalar qazaqstandyq komanda úsh shaıba soqsa, oǵan qytaılyq klýb bir golmen jaýap qaıyrdy. Ekinshi kezeńde qarsylastar bir-biriniń qaqpasynan sańylaý taba alǵan joq. Úshinshi kezeńde «Shanhaı aıdaharlary» taǵy eki gol engizdi. Nátıjesinde negizgi kezeńde 3:3 esebi tirkelip, oıyn overtaımǵa ulasty.
Overtaımda qytaılyq klýb jeńis shaıbasyn soǵyp ketti. Osylaısha «Barys» qarsylasyna overtaımda 3:4 esebimen ese jiberdi.
Aıta ketsek, pleı-off kezeńine týrnır kestesinde alǵashqy 16 quramyna engen komandalar shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq. Bıyl da olar pleı-off aımaǵynan tys qalyp otyr.
«Barys» klýby budan keıin bir oıynyn elordada ótkizip, 22 aqpanda Reseıdiń «Severstalv» (Cherepovets) komandasymen sheberlik baıqasady.