QHL: «Barys» overtaımda mınskilik «Dınamoǵa» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 23 qyrkúıekte Qurlyqtyq hokkeı lıgasyndaǵy kezekti oıynyn Belarýste «Dınamo» (Mınsk) komandasyna qarsy ótkizdi.

Jańa maýsymda qazaqstandyq komanda sátti bastaǵan edi. Elordada ótken tórt kezdesýdiń úsheýinde jeńiske jetip, týrnır kestesindegi jaǵdaıyn jaqsartyp aldy. Bir oıynda búgingi qarsylasy — «Dınamoǵa» 1:3 esebimen ese jibergen edi.

Qazaqstandyq komanda sol ketken eseni qaıtarýǵa tyrysty. Qarsylastar alǵashqy mınýttan shabýylǵa kóbirek kóńil bóldi. Soǵan qaramastan bir-biriniń qaqpasynan sańylaý taba almaı jatty. 

Negizgi kezeń 0:0 esebimen teń aıaqtalyp, oıyn overtaımǵa ulasty. Overtaımda «Dınamo» jeńis golyn soqty.

Endi elordalyq klýb aldaǵy tórt oıynyn Astanada ótkizedi. Aldymen 25 qazanda Reseıdiń «Ak Bars» (Qazan) komandasyn qabyldasa, odan keıin 27 qyrkúıekte «Sıbır» (Novosibir), 29 qyrkúıekte «Admıral» (Vladıvostok), 1 qazanda «Lokomotıv» (ıAroslavl) komandalarymen kezdesedi.

Eki komanda buǵan deıin 34 márte kezdesken. Onyń 14-i elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.