QHL: «Barys» overtaımda «Metallýrgke» ese jiberdi
ASTANA. KAZINFORM - Qazaqstandyq «Barys» komandasy búgin, ıaǵnı 17 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Metallýrg» (Magnıtogorsk) komandasyna qarsy ótkizdi.
Komandalardyń oıyny tartysty boldy. Birinshi kezeńde reseılik klýb bir gol saldy. Ekinshi kezeńde komandalar bir-bir gol soqty. Úshinshi kezeńde qazaqstandyq komanda bir shaıba engizip, tarazy basyn teńestirdi.
Osylaısha kezdesý 2:2 esebimen aıaqtalyp, oıyn overtaımǵa ulasty. Overtaımda reseılik komanda jeńis shaıbasyn soǵyp ketti.
«Barys» (Astana, Qazaqstan) - «Metallýrg» (Magnıtogorsk, Reseı) 2:3 OT (0:1, 1:1, 1:0, 0:1)
0:1 - Ishakov (Mınýlın, Mıhaılıs) - 06:04
0:2 - Ishakov (Mıhaılıs, Petýnın) - 25:06
1:2 - Tompson (Vekkone, Ýolsh) - 35:17 GB
2:2 - Ýolsh (Vekkone) - 54:39
2:3 - Barak (Smolın) - 60:47
Qaqpashylar: Boıarkın - Smolın
«Barys» klýby budan keıin eki oıynyn elordada ótkizedi. Aldymen 20 aqpanda Qytaıdyń «Shanhaı aıdaharlary» (Shanhaı) klýbymen kezdesse, 22 aqpanda Reseıdiń «Severstalv» (Cherepovets) komandasymen sheberlik baıqasady.