QHL: «Barys» overtaımda «Avtomobılıstke» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 12 qańtarda Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) klýbyna qarsy ótkizdi.

Kezdesý barysynda komandalar tartysty oıyn órbitti. Birinshi kezeńde qarsylastar bir-biriniń qaqpasynan sańylaý taba alǵan joq. Ekinshi kezeńde olar qaqpaǵa bir-bir shaıba engizdi. Sheshýshi kezeńde gol soǵylǵan joq. Negizgi kezeńde 1:1 eesbi tirkeldi. Oıyn overtaımǵa ulasty. Overtaımda reseılik komanda jeńis shaıbasyn soǵyp ketti. 

Osylaısha elordalyq klýb qarsylasyna 1:2 esebimen ese jiberip, qatarynan tórtinshi márte jeńilistiń aşy dámin tatty.

«Avtomobılıst» (Ekaterınbýrg) - «Barys » (Astana) 2:1 (0:0, 1:1, 0:0)
1:0 - Da Kosta (Golyshev, Býshe) - 30:01
1:1 - Tompson (Massı, Vekkone) - 36:46
2:1 - Býsygın (Da Kosta, Gorbýnov) - 62:30
Qaqpashylar: Alıkın - Boıarkın

Aıta ketsek, qazaqstandyq klýb budan keıin eki oıynyn elordada ótkizedi. Aldymen 15 qańtarda Reseıdiń «Neftehımık» (Nıjnekamsk) komandasyn qabyldasa, 17 qańtarda TsSKA (Máskeý) klýbymen sheberlik baıqasady.