QHL: «Barys» overtaımda «Admıralǵa» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 4 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizdi. 

Negizgi quramnyń birqatar hokkeıshisi Qysqy Azııa oıynaryna Qazaqstan ulttyq quramasy sapynda attanyp ketken edi. Sondyqtan elordalyq klýb bapkerleri sońǵy úsh kezdesýge negizinen jastarǵa úmit artty. 

Búgingi oıyn barysynda reseılik hokkeıshiler qatarynan úsh shaıba soǵyp ketti. Ony Sheın Prıns 4, Danııl Gýtık 13, Egor Petýhov 27-mınýtta enshilerine jazdy. Odan keıin qazaqstandyq klýbtan Mıhaıl Rahmanov 28, Dinmuhamed Qaıyrjan 50, Ivan Nıkolıshın 53-mınýtta mergendik tanytty. 

Negizgi kezeń 3:3 esebimen teń aıaqtalyp, oıyn overtaımǵa ulasty. 

Overtaımda «Admıral» jeńis golyn golyn soǵyp, kezdesý reseılik klýbtyń basymdyǵymen, ıaǵnı 4:3 esebimen aıaqtaldy. 

Aıta ketsek, elordalyq klýb budan keıingi bes oıynyn elordada ótkizedi. Aldymen 13 aqpanda Reseıdiń SKA (SanktPeterbýrg) komandasyn qabyldasa, odan keıin 15 aqpanda «Lada» (Tolıattı), 17 aqpanda «Metallýrg» (Magnıogorsk), 20 aqpanda «Severstal» (Cherepovets), 22 aqpanda «Admıral» (Vladıvostok) komandasymen  kezdesedi. 

Eske salsaq, budan buryn «Barys» elordada «Amýr» komandasyna ese jibergen edi.