QHL: «Barys» overtaımda «Admıralǵa» ese jiberdi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 21 qazanda Reseıde «Admıral» (Vladıvostok) komandasyna qarsy ótkizdi.
Kezdesý barysynda komandalar tartysty oıyn órbitti. Birinshi kezeńde komandalar bir-biriniń qaqpasynan sańylaý taba alǵan joq. Odan keıingi eki kezeńde komandalar tórt-tórtten shaıba soqty.
«Admıral» (Vladıvostok, Reseı) — «Barys» (Astana, Qazaqstan) 5:4 OT (0:0, 1:2, 3:2, 1:0)
1:0 — Ibragımov (Shýlak, Mýranov) — 23:20
1:1 — Beılı (Pılon) — 26:41
1:2 — Tompson (Shestakov) — 36:01
2:2 — Shýlak (Tsıtsıýra) — 41:54 GM
3:2 — Zavgorodnıı (Shýlak, Tsıtsıýra) — 44:26
3:3 — Prıskı (Morellı, Beılı) — 46:24
4:3 — Kamara (Shýlak, Chezganov) — 48:42
4:4 — Sımonov (Massı, Morellı) — 54:16
5:4 — Volkov (Mýranov) — 60:23
Qaqpashylar: Boıarkın — Shepard.
Osylaısha, elordalyq klýb qarsylasyna overtaımda 4:5 esebimen ese jiberdi.
Astanalyq komanda keıingi alty oıynnyń tórteýinde jeńiske jetse, reseılik klýb alty kezdesýdiń úsheýinde qarsylastaryn qapy qaldyrdy.
Eki komanda arasyndaǵy keıingi bes oıynnyń úsheýinde elordalyq klýb jeńiske jetti.
Qazaqstandyq komanda budan keıin alty kezdesýdi syrt aıdynda ótkizedi. Aldymen 26 qazanda Reseıde «Avtomobılıst» (Ekaterınbýrg) klýbymen kezdesse, odan keıin 28 qazanda Belarýstiń «Dınamo» (Mınsk), 30 qazanda Qytaıdyń «Shanhaıskıe Drakony» (Shanhaı) klýbtarymen oınaıdy.
Odan keıin 4 qarashada Reseıde «Traktor» (Chelıabi), 6 qarashada «Admıral» (Vladıvostok), 8 qarashada «Amýr» (Habarovsk) klýbtarymen sheberlik baıqasady.
