QHL: «Barys» «Neftehımık» komandasyna ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 27 qazanda Qurlyqtyq hokkeı lıgasyndaǵy kezekti oıynyn elordada Reseıde «Neftehımık» (Nıjnekamsk) komandasyna qarsy ótkizdi.

Komandalar týrnır kestesinde qatarlas keledi. Sondyqtan ekeýi de búgingi kezdesýde jeńiske jetip, jaǵdaıyn jaqsartyp alýǵa tyrysty. 

Oıyn barysynda reseılik klýbtyń belsendiligi baıqalyp turdy. Olardyń qatarynan Vladıslav Barýlın 1-mınýtta esep ashsa, Matveı Nadvronyı 8-mınýtta basymdyqty arttyrdy.

Al 28-mınýtta «Barys» sapynan Ańsar Shaıhmeddenov óz múmkindigin múlt jibermese, reseılik klýbtan Kırıll Kapýstın 30-mınýtta qaıtadan esepti ústemeleı tústi.

Oıynnyń úshinshi kezeńinde alǵashqy mınýttan tarazy basyn teńestirýge umtyldy. Osyndaı sáttiń birinde 40-mınýtta Raılı Ýolsh kózdegen nysanadan múlt ketken joq.

Osylaısha elordalyq komanda qarsylasyna 2:3 esebimen ese jiberdi.

Elordalyq klýb budan keıin taǵy eki oıynyn syrt aıdanda ótkizedi. Aldymen 29 qazanda Reseıde «Avangard» (Omby) klýbymen kezdesse, odan keıin «Traktor» (Chelıabi) komandasymen sheberlik baıqasady.